Zehatz-Mehatz: Micaela Josefa Portilla (1922-2005) - arkeologiamuseoabibat

Eduki publikatzailea

Zehatz-Mehatz: Micaela Josefa Portilla (1922-2005)

Bizitza

Micaela Josefa Portilla Vitoria (Gasteiz, 1922-07-30 – 2005-10-08) antropologo, pedagogo eta historialari gasteiztarrak 1941ean Lehen Hezkuntzako Irakasle ikasketak egin zituen eta gero Madrilgo Konplutense Unibertsitatean Filosofia eta Letrak (Geografia eta Historia espezialitatean) ikasi zituen. 1954.an lizentziatura amaierako lanean Arabako dorretxeak aztertzen hasi zen, geroko bere ikerketa lanen hastapena izan zena, beti metodologia oso zehatzarekin lan eginez. 1974an Madrilen aurkeztu zuen doktoretza tesia Historian, hori ere Arabako dorretxeei buruzkoa.

Micaela Portilla

Lana

Lehen hezkuntzako irakaslea izan zen Untzilla Aramaion, Zallan, Agurainen eta Gasteizen (Ramiro de Meztu institutuan Odon Apraizen laguntzailea izan zen); Irakaskuntza Eskolako katedradun izan zen (1956tik) Kadiz, Gasteiz eta Madrilen (han hartu zuen erretiroa 1987an, 43 urtean lan egin ostean); Arabako irakasle Eskola Normaleko zuzendaria ere izan zen (1958-1964) eta Eskola Normalen Inspekzio Orokorraren Aholkularia (1967-1971). Araba ordeztu zuen San Fernandoren Arte Ederren (1982tik) eta Historiaren (1988tik) Errege Akademietan. Era berean kidea zen Euskalerriaren Adiskideen Elkartean (1971tik), Eusko Ikaskuntzan, Arabako Ondare Artistikoaren Batzorde Babeslean, Arabako Foru Aldundiko Museoen Batzorde Aholkularian, Euskadiko Ondare Monumentalaren Batzorde Aholkularian eta Euskal Kulturaren Kontseilu Orokorrean eta “Manuel Iradier” Elkarteko Historia ataleko presidente.

Hainbat testuliburu, artikulu eta liburu zientifiko eta dibulgaziokoak idatzi zituen, milaka orri, eta hizlari nekaezina izan zen, beti bultzatu zuen ezagutza eta dibulgazioa zabaldu asmoz eta beti edonori laguntzeko prest.