AC ZEHATZ – MEHATZ eu - arkeologiamuseoabibat
ZEHATZ – MEHATZ OBJEKTUAK XEHETASUN GUZTIEKIN
GALDUTAKO ALTXORRAREN BILA
KALTE KONPONEZINA GURE ONDAREARENTZAT
Oraingoan, Zehatz Mehatz espazioa erabiliko dugu ezagutarazteko metalen detektatzaileek, gure probintzian, kontrolik gabe egindako jarduerek ondare arkeologikoari eragiten dizkioten kalte larriak. Indiana Jones-en irudiak duen erakarmena aprobetxatuz, azpimarratu nahi da diziplina arkeologikoa ez dela soilik pieza erakargarriak berreskuratzea helburu duen jarduera; aitzitik, zientzia bat da eta zenbait prozeduren bidez iraganeko gizarteak nolakoak izan ziren ezagutzen laguntzen digu, iritsi zaizkigun aztarna materialei esker.
