AC Origenes eu - arkeologiamuseoabibat

Jatorria erakusketak Arabako lehen biztanleek utzitako hondakinak ezagutzera gonbidatzen gaitu.

Harriek eta hezurrek, egiazki, atzean gordetzen dute gure arbasoek denboran zehar berenganatutako ezagutza, eta ingurune gogor eta aldakorrera moldatzeko izan zuten gaitasuna.  Eboluzionatuz joaten ziren bizimoduen isla dira objektu horiek, eta biziraupenari buruzko istorio bat kontatzen digute.

Erakusketan, honako hauek ikusteko aukera izango duzu: gure lurraldean aurkitu den giza hondakinik zaharrena, neandertalek eta sapiensek erabilitako tresnak eta apaingarriak, eta galdutako animalien aurkikuntza zirraragarriak: uroak, leize hartzak, letagin zuzeneko elefanteak…